ကမ်ပိန်းအကြောင်း

Consortium of Institutes on Family in the Asian Region (CIFA) မှ စီစဉ်ကျင်းပသော Family We-time ကမ်ပိန်း ၂၀၂၅ ကို Jockey Club SMART Family-Link Project မှ စပွန်ဆာပေးပြီး The Hong Kong Jockey Club Charities Trust မှ ကနဦးမတည်၍ ရန်ပုံငွေထောက်ပံ့ပေးပါသည်။
ကျွန်ုပ်တို့သည် ယခုနှစ်ကမ်ပိန်းတွင် တီထွင်ဖန်တီးမှုအားကောင်းသော ပြသမှုများမှတဆင့် မိသားစုများကို ပေါင်းစည်းပေးရန် စိတ်လှုပ်ရှားမိပါသည်။ ကုလသမဂ္ဂမှ ပြဋ္ဌာန်းထားသည့် မဟာခေတ်ရေစီးကြောင်းကြီးနှစ်ခု - နည်းပညာအသစ်များ နှင့် မြို့ပြတည်ထောင်မှုနှင့် ရွေ့ပြောင်းနေထိုင်မှုများ (အခြားအရာများဖြစ်သော ရာသီဥတုပြောင်းလဲမှုနှင့် လူဦးရေဆိုင်ရာ အပြောင်းအလဲများ) ပေါ်တွင် အဓိကအာရုံထားပြုလုပ်သော မိသားစု ဓာတ်ပုံများ သို့မဟုတ် ဆေးရောင်ခြယ်လက်ရာများ ကို တင်သွင်းရန် ပါဝင်သူများအား ဖိတ်ခေါ်ပါသည်။
ကမ်ပိန်းသည် မိသားစုများ ချမ်းသာသုခရရှိရေး၏ စိန်ခေါ်မှုများကို အပြုသဘောဖြင့် ရင်ဆိုင်၍ ကိုင်တွယ်ဖြေရှင်းရန် မိသားစုများအား တွန်းအားပေးခြင်းဖြင့် ဤမဟာခေတ်ရေစီးကြောင်းကြီးနှစ်ခုအကြောင်း အသိပညာမြှင့်တင်ရန် ရည်ရွယ်ပါသည်။ အပြင်အဆင်ပုံစံများတွင် နည်းပညာသစ်ကို ထိရောက်စွာအသုံးပြုခြင်း၊ လူမှုဆိုင်ရာပါဝင်ခြင်းနှင့် လူမှုကွန်ရက်များ တည်ဆောက်ခြင်းတို့ ပါဝင်သည်။ ရွေးချယ်ထားသော လက်ရာများကို Family We-time အွန်လိုင်းပြခန်းရှိ တီထွင်ဖန်တီးမှုလက်ရာများစုစည်းမှုတစ်ခုတွင် ပြသထားပါမည်။ ပါဝင်သူများသည် တင်သွင်းပြီးနောက် အသိအမှတ်ပြုမှုအတွက် အီလက်ထရောနစ်-ဆာတီဖီကိတ်တစ်ခု ရရှိမည်ဖြစ်ပါသည်။

ပွဲအစီအစဉ်အသေးစိတ်များကို ကျွန်ုပ်တို့၏ အီလက်ထရောနစ်-လက်ကမ်းကြော်ငြာတွင် ကြည့်ရှုပါ။ ကမ်ပိန်းတွင် ပါဝင်ရန် ၎င်းအား သင့်သူငယ်ချင်းများနှင့် မိသားစုကို မျှဝေပေးပါ။

တင်သွင်းခြင်းအကြောင်း သတင်းအချက်အလက်

အဓိကသတင်းအချက်အလက်

အရည်အချင်းပြည့်မီမှု သတ်မှတ်ချက်

မျိုးဆက် ၂ ခုနှင့်အထက် မိသားစု-အခြေပြု
အာရှဒေသရှိ မိသားစုများကို ပါဝင်ရန် ဖိတ်ခေါ်ပါသည်
လူတစ်ဦးလျှင် လက်ရာ ၅ မျိုး တင်သွင်းနိုင်သည်

တင်သွင်းရမည့် နောက်ဆုံးရက်

၁၄ စက်တင်ဘာ ၂၀၂၅၊ တနင်္ဂနွေ

တင်သွင်းခြင်းအမျိုးအစားများ

မိသားစုဓာတ်ပုံများ နှင့်/ သို့မဟုတ် ဆေးရောင်ခြယ်လက်ရာများ

မှတ်ပုံတင်ကြေး

အခမဲ့

ပါဝင်နိုင်ပုံအကြောင်း

ဆေးရောင်ခြယ်ခြင်းအတွက် -

ကျွန်ုပ်တို့၏ဝဘ်ဆိုဒ်မှ သတ်မှတ်ထားသည့် ဆေးရောင်ခြယ်စာရွက်ကို ရွေးချယ်၍ ဒေါင်းလုဒ်ဆွဲပြီး A4-အရွယ်အစား စာရွက် (297 x 210 mm) ဖြင့် ပရင့်ထုတ်ပါ။
သင်သည် မည်သည့်ဆေးရောင်ခြယ်ကိရိယာ သို့မဟုတ် ပန်းချီဆွဲတံကိုမဆို အသုံးပြုနိုင်သည်။ စတစ်ကာများ၊ ပြောင်လက်လက်အဆင်တန်ဆာများ၊ အလှသုံးရောင်စုံစက္ကူများ စသည့် ကွန်ပြူတာဖြင့်ဆေးရောင်ခြယ်ခြင်း သို့မဟုတ် သုံးဘက်မြင်ပုံစံပြုလုပ်ခြင်းတို့ကို ခွင့်မပြုပါ။
သင်သည် နည်းပညာအသစ်များ သို့မဟုတ် မြို့ပြတည်ထောင်ခြင်းနှင့် ရွေ့ပြောင်းနေထိုင်မှုတို့၏ အပြင်အဆင်ပုံစံများကို ထင်ဟပ်စေခြင်းအတွက် သတ်မှတ်ထားသော ဆေးရောင်ခြယ်စာရွက်ပေါ်တွင် ဒီဇိုင်းများ ထပ်ပေါင်းထည့်နိုင်သည်။

ဓာတ်ပုံရိုက်ခြင်းအတွက် -

လက်ရာများသည် မူရင်းဒစ်ဂျစ်တယ်ဓာတ်ပုံများ ဖြစ်ရမည်။ ထပ်ပေါင်းခြင်း၊ ဖျက်ခြင်း သို့မဟုတ် အရောင်များ သိသိသာသာပြောင်းလဲထားခြင်းတို့ အပါအဝင် ကွန်ပြူတာဖြင့် ပြန်လည်ပြင်ဆင်မွန်းမံခြင်းများကို လက်ခံလိမ့်မည်မဟုတ်ပါ။
ဓာတ်ပုံများသည် နည်းပညာအသစ်များ သို့မဟုတ် မြို့ပြတည်ထောင်ခြင်းနှင့် ရွေ့ပြောင်းနေထိုင်မှုတို့၏ အပြင်အဆင်ပုံစံများနှင့် ကိုက်ညီမှုရှိရမည်။

တင်သွင်းခြင်း လမ်းညွှန်ချက်များ

မှတ်ပုံတင်ပြီးနောက် သင့်မူရင်းဒစ်ဂျစ်တယ်ဓာတ်ပုံများ သို့မဟုတ် ဆေးရောင်ခြယ်လက်ရာများကို ကျွန်ုပ်တို့၏ဝဘ်ဆိုဒ်မှတဆင့် JPEG ၊ JPG သို့မဟုတ် PNG ဖော်မတ်ပုံစံဖြင့် တင်သွင်းပါ။
အများဆုံးတင်သွင်းနိုင်သည့်အရေအတွက်မှာ လက်ရာ ၅ မျိုး ဖြစ်ပါသည်။ တင်သွင်းရန် အက်ပ်လုဒ်လုပ်သော ဓာတ်ပုံ သို့မဟုတ် ဆေးရောင်ခြယ်လက်ရာအသီးသီးအတွက် အကြီးဆုံးဖိုင်အရွယ်အစားမှာ 10 MB ဖြစ်ပါသည်။

ဒေါင်းလုဒ်လုပ်ပါ

စည်းမျဉ်းစည်းကမ်းများနှင့် သတ်မှတ်ချက်များ

လက်ရာအားလုံးကို "Family We-time" အွန်လိုင်းမှတ်ပုံတင်ပေါ်တယ်တွင် တင်သွင်းရပါမည်။ JPEG ၊ JPG သို့မဟုတ် PNG အီလက်ထရောနစ်ဖိုင်ဖော်မတ်ပုံစံများကိုသာ လက်ခံပါမည်။ တင်သွင်းပြီးသည်နှင့်တပြိုင်နက် ၎င်းကို ပြင်ဆင်၊ လဲလှယ် သို့မဟုတ် ပြန်လည်ရယူ၍ မရနိုင်ပါ။ တင်သွင်းထားသောလက်ရာများသည် အခြားမည်သည့်ပြိုင်ပွဲ သို့မဟုတ် ပွဲအစီအစဉ်များတွင်ဖြစ်စေ ပါဝင်ထားပြီးသား မဖြစ်ရပါ။
တင်သွားထားသောလက်ရာများသည် မူရင်းများ ဖြစ်ရပါမည်၊ ဉာဏပစ္စည်းမူပိုင်ခွင့်၊ လျှို့ဝှက်ပိုင်ခွင့် သို့မဟုတ် ကိုယ်ရေးကိုယ်တာထိန်းသိမ်းခွင့်တို့ အပါအဝင် တတိယပါတီများ၏ လုပ်ပိုင်ခွင့်များကို မထိပါးစေရပါ။ စည်းမျဉ်းစည်းကမ်းများ ချိုးဖောက်သူကို ပါဝင်ယှဉ်ပြိုင်ခြင်းမှ ထုတ်ပယ်မည်ဖြစ်သည်။
တင်သွင်းထားသောလက်ရာများသည် ဥပဒေနှင့်ဆန့်ကျင်ပါက တရားရေးဆိုင်ရာတာဝန်အားလုံးကို ပါဝင်သူမှ တာဝန်ယူရမည်ဖြစ်ပြီး ပွဲစီစဉ်သူတွင် တာဝန်ရှိမည်မဟုတ်ပါ။
ပါဝင်သူများသည် တင်သွင်းထားသော လက်ရာများတွင် လိင်မှုဆိုင်ရာညစ်ညမ်းသော၊ အကြမ်းဖက်သော၊ အပျက်သဘောဆောင်သော စာများ သို့မဟုတ် စီးပွားရေး၊ ဘာသာရေး သို့မဟုတ် နိုင်ငံရေးဆိုင်ရာ ဝါဒဖြန့်ချိရေးအပိုင်းများ မပါဝင်ကြောင်းနှင့် အသရေဖျက်ယုတ်ညံ့ပုတ်ခတ်သည့် လူမျိုးရေးဆိုင်ရာ နားလည်မှုလွဲမှားစေခြင်း သို့မဟုတ် ခွဲခြားဆက်ဆံခြင်းဆိုင်ရာ ကိစ္စရပ်များ ထည့်သွင်းမထားကြောင်း သေချာစေရန် လိုအပ်ပါသည်။
ပါဝင်သူများအား လက်မှတ်များ၊ ဘောင်များနှင့် ရေစာအမှတ်များကဲ့သို့သော ပုဂ္ဂိုလ်ရေးဆိုင်ရာအချက်အလက်များကို ကိုယ်စားပြုသည့် စာသား၊ သင်္ကေတ သို့မဟုတ် ရုပ်ပုံများကို ပေါင်းထည့်ရန် ခွင့်မပြုပါ။
တင်သွင်းထားသော လက်ရာအားလုံး၏ မူပိုင်ခွင့်ကို ပွဲစီစဉ်သူမှ ပိုင်ဆိုင်ပါသည်။ ပွဲစီစဉ်သူသည် တင်သွင်းထားသော လက်ရာများကို ကြည့်ရှုစစ်ဆေးခွင့်နှင့် ၎င်းတို့ကို စီးပွားဖြစ်မဟုတ်သော ရည်ရွယ်ချက်များအတွက်သာ အသုံးပြုခွင့်တို့ကို ရရှိပါသည်၊ ၎င်းတို့တွင် ပါဝင်သူများ၏ ခွင့်ပြုချက်မယူဘဲ ထုတ်ဝေမှု၊ ပြပွဲနှင့် ပုံနှိပ်ခြင်းဆိုင်ရာ ရည်ရွယ်ချက်များနှင့် မူပိုင်ခွင့်အခကြေးငွေနှင့် တရားဝင်တာဝန်ယူမှုတို့အတွက် ပေးချေမှုတို့ ပါဝင်သော်လည်း ၎င်းတို့ချည်းသာလျှင်အဖြစ် ကန့်သတ်ထားခြင်းမဟုတ်ပါ။
ပါဝင်သူများသည် ပွဲစီစဉ်သူ၏ ပွဲအတွက်ဆက်သွယ်ခြင်းနှင့် ပွဲအစီအစဉ်အချက်အလက် ဖြန့်ဝေခြင်းအတွက် ကိုယ်ရေးအချက်အလက်များကို ပေးပို့ရန် သဘောတူညီပါသည်။ ပွဲအပြီးတွင် ၎င်းတို့၏ ကိုယ်ရေးအချက်အလက်များကို ဖျက်ပေးရန် တောင်းဆိုလိုပါကပွဲစီစဉ်သူထံ အီးမေးလ်ဖြင့် အကြောင်းကြားရပါမည်။
တီထွင်ဖန်တီးမှုစုစည်းမှုအဖြစ် ရွေးချယ်ခံရသည့် လက်ရာများ၏ ရလဒ်များသည် ပွဲစီစဉ်သူ၏ ဆုံးဖြတ်ချက်အတိုင်းသာဖြစ်ပြီး ပါဝင်သူများအနေဖြင့် ကန့်ကွက်နိုင်မည်မဟုတ်ပါ။ ပွဲစီစဉ်သူ၏ ဆုံးဖြတ်ချက်သည်သာလျှင် အတည်ဖြစ်ပါသည်။
ပါဝင်သူများသည် ပွဲ၏ စည်းမျဉ်းစည်းကမ်းများကို ရှင်းလင်းစွာ နားလည်ထားရမည်ဖြစ်ပြီး လက်ရာများတင်သွင်းခြင်းသည် ဤပွဲ၏ စည်းမျဉ်းစည်းကမ်းများနှင့် သတ်မှတ်ချက်များအားလုံးကို လက်ခံပြီး လိုက်နာရန် သဘောတူညီထားပြီးဖြစ်သည်ဟု ဆိုလိုပါသည်။ ပါဝင်သူများသည် ဖြစ်နိုင်ချေအန္တရာယ်အားလုံးကို တာဝန်ယူရမည်ဖြစ်ပြီး ၎င်းတို့၏ ကိုယ်ပိုင်လုံခြုံရေးအတွက် တာဝန်ရှိပါသည်။ ပွဲစီစဉ်သူသည် ဤကိစ္စနှင့်ဆက်စပ်၍ သို့မဟုတ် ဤပွဲအတွင်း အခြားတစ်နည်းနည်းဖြင့် ပေါ်ပေါက်လာသည့် တစ်စုံတစ်ရာဆုံးရှုံးမှု သို့မဟုတ် ပျက်စီးမှုများအတွက် တာဝန်ရှိမည်မဟုတ်ပါ။
ပွဲစီစဉ်သူသည် ဤစည်းမျဉ်းစည်းကမ်းများနှင့် သတ်မှတ်ချက်များ၏ နောက်ဆုံးအပြီးသတ် အဓိပ္ပါယ်သတ်မှတ်ခွင့်နှင့် ပြန်လည်ပြင်ဆင်ခွင့်တို့ကို လက်ဝယ်ရရှိပါသည်။

The Jockey Club SMART Family-Link Project

Hong Kong Jockey Club Charities Trust သည် "Jockey Club SMART Family-Link Project" (JCSFL) ကို ကနဦးစတင်ရန် ဟောင်ကောင်ဒေါ်လာ ၃၃၀ မီလီလျံကို ခွင့်ပြုပေးခဲ့သည်။ ၂၀၁၈ ခုနှစ်တွင် စတင်ခဲ့သော ဤစီမံကိန်းသည် မိသားစုသုခချမ်းသာကို မြှင့်တင်ရန် NGO အခြေပြုလည်ပတ်သော ပေါင်းစပ်မိသားစုဝန်ဆောင်မှုစင်တာနှင့် ပေါင်းစပ်ဝန်ဆောင်မှုစင်တာ ၂၆ ခုတို့မှ ထောက်ပံ့သော ပိုမိုထိရောက်ပြီး ဆန်းသစ်တီထွင်သည့် ဝန်ဆောင်မှုပေးခြင်းကို ပံ့ပိုးရာတွင် အဆင့်မြင့် သတင်းအချက်အလက်နှင့် ဆက်သွယ်ရေးနည်းပညာများ အသုံးပြုခြင်းနှင့် ပေါ်ပေါက်လာသော ဝန်ဆောင်မှုလိုအပ်ချက်များကို တုံ့ပြန်နိုင်သည့် မိသားစုဝန်ဆောင်မှု ဆန်းသစ်တီထွင်မှုများအတွက် နည်းပညာနှင့် ဒေတာအသုံးပြုမှုကဏ္ဍစွမ်းရည်ကို မြှင့်တင်ပေးခြင်းတို့ကို ရည်ရွယ်ပါသည်။
စီမံကိန်းသည် လူမှုဖူလုံရေးကဏ္ဍအတွက် ဒစ်ဂျစ်တယ်အသွင်ပြောင်းကူးမှုကို မြှင့်တင်ရန် NGO များနှင့် ကျွမ်းကျင်ပညာရှင်များအကြား ဘက်ပေါင်းစုံကြိုးပမ်းအားထုတ်မှုနှင့် ပူးပေါင်းဆောင်ရွက်မှုတို့ကို ဖြစ်ပေါ်စေသည်။ အဓိကအစိတ်အပိုင်းများတွင် i-Connect ၏ လုပ်ဆောင်နိုင်စွမ်းများကို အားကောင်းစေခြင်း၊ ဝန်ဆောင်မှုများပေါင်းစပ်လုပ်ဆောင်မှုကို ဖွံ့ဖြိုးစေခြင်း၊ ဒစ်ဂျစ်တယ် စွမ်းဆောင်ရည်မြှင့်တင်ခြင်းနှင့် ဝန်ဆောင်မှုအသွင်ကူးပြောင်းခြင်းနှင့် အားကောင်းလာခြင်းအတွက် NGO များရှိ ဝန်ဆောင်မှုဒေတာများမှ ဒေတာခွဲခြမ်းစိတ်ဖြာမှုများ လုပ်ဆောင်ခြင်းတို့ ပါဝင်သည်။
စီမံကိန်းပါတနာများတွင် University of Hong Kong (Department of Computer Science, School of Nursing and Department of Social Work and Social Administration)၊ Hong Kong Baptist University (Department of Social Work)၊ Caritas - Hong Kong ၊ Hong Kong Family Welfare Society ၊ Hong Kong Christian Service ၊ International Social Service - Hong Kong Branch ၊ Christian Family Service Centre ၊ The Hong Kong Catholic Marriage Advisory Council ၊ Hong Kong Children and Youth Services ၊ St. James' Settlement ၊ Tung Wah Group of Hospitals ၊ Hong Kong Sheng Kung Hui Welfare Council နှင့် The Neighbourhood Advice-Action Council တို့ ပါဝင်သည်။

အသေးစိတ်အချက်အလက်များအတွက် ကျေးဇူးပြု၍ www.jcsmartfamilylink.hk သို့ ဝင်ရောက်ကြည့်ရှုပါ။

The Hong Kong Jockey Club Charities Trust

Hong Kong Jockey Club သည် ၁၉၁၅ ခုနှစ်အထိ ပရဟိတအကြောင်းအရာများအတွက် လှူဒါန်းခြင်း၏ ရှည်လျားသောအစဉ်အလာကို ခြေရာခံခဲ့သည်၊ သို့သော် ဟောင်ကောင်သည် စစ်ပြီးခေတ် ပြန်လည်တည်ဆောက်ရေးနှင့် ရွှေ့ပြောင်းအခြေချသူများ အများအပြားဝင်ရောက်လာမှုကို ညှိယူရင်ဆိုင်ရေးတို့တွင် ရုန်းကန်ခဲ့ရသည့်အတွက် ဤအခန်းကဏ္ဍသည် ၎င်း၏လုပ်ငန်းဆောင်ရွက်ချက်များတွင် ပေါင်းစပ်ပါဝင်လာခဲ့သည်။ ၁၉၅၅ ခုနှစ်တွင် Club သည် ၎င်း၏ပိုလျှံငွေကို ပရဟိတနှင့် ရပ်ရွာစီမံကိန်းများသို့ နှစ်စဉ်ပေးအပ်ရန် တရားဝင်ဆုံးဖြတ်ခဲ့ပြီး၊ ၁၉၅၉ ခုနှစ်တွင် လှူဒါန်းမှုများကို စီမံကွပ်ကဲရန် Hong Kong Jockey Club (Charities) Ltd ကို သီးခြားကုမ္ပဏီတစ်ခုအဖြစ် ဖွဲ့စည်းခဲ့သည်။ ၁၉၉၃ခုနှစ်တွင် လှူဒါန်းမှုများ၏ ပြောင်းလဲလာသော သဘာဝ၊ အတိုင်းအတာပမာဏနှင့် လှူဒါန်းမှုနယ်ပယ်တို့ကို ထင်ဟပ်စေရန် အဖွဲ့အစည်းသစ်တစ်ခု Hong Kong Jockey Club Charities Trust ကို တည်ထောင်ခဲ့သည်။ Charities Trust သည် ကမ္ဘာ့ထိပ်တန်း ပရဟိတအလှူရှင် ဆယ်ခုအနက်မှ တစ်ခုဖြစ်သည်။

ရပ်ရွာအတွက် Trust ၏ များစွာသောအလှူငွေများကို မြင်းစီးပြိုင်ပွဲနှင့်မြင်းပြိုင်ကွင်းဖျော်ဖြေပွဲ၊ ကလပ်အသင်းဝင်ကြေး၊ တာဝန်ယူထားသော အားကစားကြေးနှင့် ထီ၊ ပရဟိတလုပ်ငန်းများနှင့် ရပ်ရွာထည့်ဝင်ငွေများ ပါ၀င်သည့် ကလပ်၏ ထူးခြားသော ပေါင်းစပ်စီးပွားရေးလုပ်ငန်းမော်ဒယ်အားဖြင့် ဖြစ်နိုင်စေခဲ့သည်။ အခွန်ပေးဆောင်ပြီးနောက် ကလပ်၏ နှစ်စဉ်လုပ်ငန်းလည်ပတ်ပိုလျှံငွေ၏ ၉၀% ခန့်ကို Trust သို့ လှူဒါန်းပြီး ရပ်ရွာဖွံ့ဖြိုးတိုးတက်ရေးတွင် အရေးပါသည့် အခန်းကဏ္ဍတစ်ခုကို လုပ်ဆောင်နိုင်စေသည်။
အစိုးရ၊ အစိုးရမဟုတ်သော အဖွဲ့အစည်းများ (NGOs) ၊ ပရဟိတဖောင်ဒေးရှင်းများနှင့် ရပ်ရွာမိတ်ဖက်များ နှင့်အတူ အလုပ်လုပ်ခြင်းဖြင့် Trust သည် ဟောင်ကောင်ပြည်သူများ၏ လူနေမှုဘဝအရည်အသွေး တိုးတက်စေရေးကို ကတိပြုပါသည်။ ပရဟိတအဖွဲ့အစည်းတစ်ခုအနေဖြင့် Trust သည် ရပ်ရွာနှင့် လူမှုဆိုင်ရာလိုအပ်ချက်များကို ပြည့်ဝစေသည့် စီမံကိန်းများကို တက်ကြွစွာ ထုတ်ဖော်သတ်မှတ်ပေးပြီး အစပြုလုပ်ဆောင်ပါသည်။
ဟောင်ကောင်၏ ပြောင်းလဲဖြစ်ပေါ်နေသော လိုအပ်ချက်များနှင့်အညီ ၂၀၂၂-၅ သုံးနှစ်စီမံကိန်းတွင် Trust ၏ မဟာဗျူဟာမြောက် အာရုံစိုက်မှုတွင် ဦးစားပေးကဏ္ဍ ငါးခုပါရှိပါသည် - အပြုသဘောဆောင်သော အသက်အရွယ်ကြီးရင့်မှုနှင့် သက်ကြီးရွယ်အိုစောင့်ရှောက်မှု၊ လူငယ်ဖွံ့ဖြိုးရေးနှင့် ဆင်းရဲနွမ်းပါးမှုလျှော့ချရေး၊ ကျန်းမာသော ရပ်ရွာအသိုက်အဝန်း၊ စွမ်းရည်နှင့် ကဏ္ဍဖွံ့ဖြိုးမှု၊ အားကစားနှင့် ယဉ်ကျေးမှု စသည်တို့ဖြစ်သည်။ ရေရှည်တည်တံ့ခိုင်မြဲသော ဖွံ့ဖြိုးတိုးတက်မှု၏ အရေးပါမှုကို အသိအမှတ်ပြုသည့်အနေဖြင့် Trust သည် စဉ်ဆက်မပြတ်တိုးတက်ရေးကို ဆဋ္ဌမမြောက် ရန်ပုံငွေဦးစားပေးလုပ်ငန်းအဖြစ် သတ်မှတ်လုပ်ဆောင်နေပါသည်။

CIFA

CIFA ကို ဟောင်ကောင်၏ ဥပဒေအရ အကန့်အသတ်ရှိသော တာဝန်ယူမှုနှင့် အကျိုးအမြတ်မယူသော အဖွဲ့အစည်းတို့ကို ပေါင်းစပ်ထားသည့် ကုမ္ပဏီတစ်ခုအဖြစ် မှတ်ပုံတင်ထားပါသည်။ ၎င်းသည် "မိသားစုသုခချမ်းသာအတွက် ပရော်ဖက်ရှင်နယ်ကျွမ်းကျင်ပညာ ပေါင်းစပ်ရေး" ရည်မှန်းချက်ကို မျှဝေပေးသော အဖွဲ့အစည်းများနှင့် ကျွမ်းကျင်ပညာရှင်များကြား ကွန်ရက်ချိတ်ဆက်ခြင်းနှင့် ပူးပေါင်းဆောင်ရွက်ခြင်းအတွက် ဒေသတွင်းပလက်ဖောင်းတစ်ခုကို ထောက်ပံ့ပေးသော အမှီအခိုကင်းသည့် အဖွဲ့အစည်းတစ်ခု ဖြစ်သည်။ ၎င်း၏လုပ်ငန်းဆောင်တာမှာ သုတေသနနှင့်သင်တန်း ကနဦးအစပျိုးမှုများတွင် နှစ်ဦးနှစ်ဘက်အကျိုးဖြစ်ထွန်းမှုကို ပံ့ပိုးကူညီမြှင့်တင်ရန်နှင့် အာရှဒေသတွင် ထူးခြားသည့် လုပ်ငန်းခွင်အတွေ့အကြုံများနှင့် မိသားစုများအတွက် မူဝါဒရေးဆွဲခြင်းများကို မျှဝေရန်ဖြစ်သည်။
CIFA ဖွင့်ပွဲနှင့် ဖွင့်ပွဲဆိုင်ရာ စာတမ်းဖတ်ပွဲကို ၂၀၀၈ ခုနှစ်တွင် ဟောင်ကောင်တက္ကသိုလ်၌ ကျင်းပခဲ့ပြီး တိုကျို၊ စင်ကာပူ၊ ရှန်ဟိုင်း၊ ဆိုးလ်နှင့် ထိုင်ဝမ်တို့တွင် နှစ်နှစ်ကြာ ဒေသတွင်း စာတမ်းဖတ်ပွဲများ ဆက်လက်ကျင်းပခဲ့ကာ ပွဲအသီးသီးတွင် တက်ရောက်သူ ပျမ်းမျှ ၄၀၀ ကျော် ရှိခဲ့သည်။ အခြားအဓိကလှုပ်ရှားမှုများတွင် နိုင်ငံဖြတ်ကျော် သုတေသနများ၊ သင်တန်းပေးခြင်းလှုပ်ရှားမှုများ၊ မိသားစုသုခချမ်းသာ မြှင့်တင်ခြင်းအတွက် Asian Award (3A Project)၊ ပရိုမိုးရှင်းနှင့် ရန်ပုံငွေရှာဖွေရေး လှုပ်ရှားမှုများ၊ ၎င်း၏ ဝဘ်ဆိုဒ်နှင့် CIFA-NET ၊ သတင်းလွှာတို့မှတဆင့် သတင်းအချက်အလက် ဖြန့်ဝေခြင်းများ ပါဝင်သည်။
၂၀၁၄ ခုနှစ်တွင် CIFA နှင့် ကုလသမဂ္ဂတို့ကြား ဆက်ဆံရေးကို တည်ဆောက်ပြီးနောက် UN မှ ကိုယ်စားလှယ်များသည် ကိုရီးယားတွင် ၂၀၁၆ ခုနှစ်တွင် Regional Symposium ၊ ၂၀၁၇ ခုနှစ်တွင် Exchange Program on 3A Project နှင့် Charity Concert For Family Harmony ၊ နှင့် ဟောင်ကောင်တွင် ၂၀၁၈ ခုနှစ်တွင် Asian Family Summit တို့ အပါအဝင် CIFA လှုပ်ရှားမှုများကို အကြိမ်များစွာ တက်ရောက်ခဲ့ပါသည်။ CIFA သည် ၂၀၂၁ ခုနှစ်တွင် အထူးအတိုင်ပင်ခံအဆင့်ကို ပေးအပ်ခံရခြင်း၊ CIFA ကို နိုင်ငံတကာနယ်ပယ်တွင် ထားရှိခြင်း၊ နှင့် မိသားစုသုခချမ်းသာကို မြှင့်တင်ရန် ကမ္ဘာလုံးဆိုင်ရာ ကြိုးပမ်းမှုများတွင် အထူးသဖြင့် ကမ္ဘာ့ရေးရာကိစ္စများတွင် ပိုမိုတက်ကြွ၍ သိသာထင်ရှားလာသော ဒေသဖြစ်သည့် အာရှရှုထောင့်မှ တက်ကြွစွာပါဝင်ခြင်းတို့ဖြင့် ကုလသမဂ္ဂ၏ တရားဝင်အသိအမှတ်ပြုမှုကို ရရှိခဲ့ပြီးဖြစ်ပါသည်။
CIFA သည် အာရှရှိ လူဦးရေဆိုင်ရာ အပြောင်းအလဲများအပေါ် ကျွမ်းကျင်ပညာရှင်အဖွဲ့ အစည်းအဝေး၊ Family We-Time ကမ်ပိန်းနှင့် အာရှမိသားစုဆိုင်ရာ ထိပ်သီးအစည်းအဝေး ၂၀၂၄ အပါအဝင် ကုလသမဂ္ဂ၏ အပြုသဘောဆောင်သော အကြံပြုချက်များနှင့် ပံ့ပိုးမှုကို လက်ခံရရှိသည့် ၃၀ ကြိမ်မြောက် နိုင်ငံတကာ မိသားစုနှစ် (30th Anniversary of the International Year of the Family) ကို ကြိုဆိုရန် ကုလသမဂ္ဂထံမှ တောင်းဆိုချက်ကို ထင်ဟပ်စေရန်အတွက် အာရှတွင် ပူးပေါင်းဆောင်ရွက်ရေးနှင့် စည်းရုံးရေး လှုပ်ရှားမှုများတွင် တက်ကြွစွာ ပါဝင်ဆောင်ရွက်ခဲ့ပါသည်။