Hong Kong Jockey Club Charities Trust, "Jockey Club SMART Family-Link Project" (JCSFL) திட்டத்திற்காகத் தோராயமாக HK$330 மில்லியன் நிதியுதவியை அங்கீகரித்து, தொடங்கியுள்ளது. 2018ஆம் ஆண்டுத் தொடங்கப்பட்ட இந்தத் திட்டம், 26 தொண்டு நிறுவனங்களால் இயக்கப்படும் ஒருங்கிணைந்த குடும்பச் சேவை மையங்கள் மற்றும் ஒருங்கிணைந்த சேவை மையங்களில் வழங்கப்படும் சேவைகளை மேலும் திறமையாகவும் புதுமையுடனும் வழங்க, மேம்பட்ட தகவல் மற்றும் தகவல் தொடர்பு தொழில்நுட்பங்களைப் பயன்படுத்துவதை நோக்கமாகக் கொண்டுள்ளது. இது குடும்ப நலத்தை மேம்படுத்துவதோடு, வளர்ந்து வரும் சேவைத் தேவைகளுக்கான தீர்வுகளை உருவாக்க, குடும்பச் சேவைகளில் தொழில்நுட்பம் மற்றும் தரவுகளைப் பயன்படுத்தும் திறனையும் வளர்க்கும் நோக்கத்தையும் கொண்டுள்ளது.
இந்தத் திட்டம், நலத்துறையில் டிஜிட்டல் மாற்றத்தை ஊக்குவிக்கத் தொண்டு நிறுவனங்கள் மற்றும் கல்வியியலாளர்களுக்கு இடையிலான பல்துறை ஒத்துழைப்பை ஒருங்கிணைக்கிறது. இதன் முக்கியக் கூறுகளாவது i-Connect செயலியின் செயல்பாடுகளை மேம்படுத்துதல், இணைந்த சேவை முறையை உருவாக்குதல், டிஜிட்டல் திறன் கட்டமைப்பை மேம்படுத்துதல், சேவை மாற்றம் மற்றும் மேம்படுத்துதலுக்காக எல்லாத் தொண்டு நிறுவனங்களின் சேவைத் தரவுகளிலிருந்து தகவல்களின் பகுப்பாய்வை மேற்கொள்ளுதல் ஆகியவை அடங்கும்.
The University of Hong Kong (கணினி அறிவியல் துறை, செவிலியப்பணித்துறை மற்றும் சமூகப்பணி மற்றும் சமூக நிர்வாகத் துறை), Hong Kong Baptist University (சமூகப்பணித்துறை), Caritas - Hong Kong; Hong Kong Family Welfare Society; Hong Kong Christian Service; International Social Service - Hong Kong Branch; Christian Family Service Centre; The Hong Kong Catholic Marriage Advisory Council; Hong Kong Children and Youth Services; St. James' Settlement; Tung Wah Group of Hospitals; Hong Kong Sheng Kung Hui Welfare Council மற்றும் The Neighbourhood Advice-Action Council ஆகியோர் திட்டக் கூட்டாளர்களில் அடங்குவர்.




மேலும் தகவல்களுக்கு, www.jcsmartfamilylink.hk இணைப்பில் பாருங்கள்.

Hong Kong Jockey Club, 1915 ஆம் ஆண்டு முதல் தொண்டு செயற்பாடுகளுக்கான நன்கொடை அளித்துவருகிறது. 1950களுக்குப் பிறகு, ஹாங்காங் போர் பிந்தைய மீளமைப்பு மற்றும் புலம்பெயர்ந்தோர் பெருக்கத்தை எதிர்கொண்டு வந்ததால் நன்கொடையளிப்பு அதன் முக்கிய அங்கமாக மாறியது. இதனை முன்னிட்டு, 1955 ஆம் ஆண்டில் கிளப் தனது ஆண்டு உபரி வருமானத்தைச் சமூகத் திட்டங்களிலும், தொண்டு முயற்சிகளிலும் செலவிட முடிவெடுத்தது. நன்கொடைகளை நிர்வகிப்பதற்காக 1959 ஆம் ஆண்டு Hong Kong Jockey Club (Charities) Ltd எனும் தனி நிறுவனம் தொடங்கப்பட்டது. பிறகு, நன்கொடைகளின் மாறிவரும் பரிமாணம் மற்றும் நோக்கத்தைப் பிரதிபலிக்க 1993ஆம் ஆண்டு Hong Kong Jockey Club Charities Trust உருவாக்கப்பட்டது. இப்போது இந்த அறக்கட்டளை, உலகிலேயே முன்னணி பத்து தொண்டு நன்கொடையாளர்களில் ஒன்றாகத் திகழ்கிறது.


இந்த அளவுக்கு நன்கொடை வழங்க இயலுவதற்கான வலிமை, ஹாங்காங் ஜாக்கி கிளப்பின் ஒருங்கிணைந்த வணிக மாடலில்தான் உள்ளது. இதன் பந்தயப் போட்டிகளும், பொழுதுபோக்கு வசதிகளும், உறுப்பினர் சேவைகளும், பொறுப்புடன் நடத்தப்படும் விளையாட்டுப் பந்தயங்கள் மற்றும் லாட்டரி, இவற்றுடன் சமூகத் திட்டங்களும் இதைச் சாத்தியமாக்குகின்றன. வரிக்குப் பிறகு கிடைக்கும் ஆண்டு உபரியில் சுமார் 90% தொகை அறக்கட்டளைக்கு அளிக்கப்படுகிறது, இதன் மூலம் சமூக வளர்ச்சியில் முக்கியப் பங்கு வகிக்கிறது.


அரசு, அரசு சாரா அமைப்புகள் (NGOகள்), தொண்டு நிறுவனங்கள் மற்றும் சமூகக் கூட்டாளர்களுடன் இணைந்து பணியாற்றும் இந்த அறக்கட்டளை, ஹாங்காங் மக்களின் வாழ்க்கைத் தரத்தை உயர்த்தும் முயற்சியில் தொடர்ந்து ஈடுபட்டுள்ளது. ஒரு தொண்டு நிறுவனமாக, இந்த அறக்கட்டளை அவசர சமூகத் தேவைகளை முன்கூட்டியே கண்டறிந்து, அதற்கான திட்டங்களைத் துவங்குவதில் முன்னிலை வகிக்கிறது.


ஹாங்காங்கின் மாறிவரும் தேவைகளுடன் பொருந்தும்விதமாக 2022-5 மூன்றாண்டு காலக்கட்டத்தில், அறக்கட்டளையின் மூலோபாயத்தில் நேர்மறையான முதுமை மற்றும் முதியோர் பராமரிப்பு, இளைஞர் மேம்பாடு மற்றும் வறுமை ஒழிப்பு, ஆரோக்கியமான சமூகம், திறமை மற்றும் துறை மேம்பாடு மற்றும் விளையாட்டு மற்றும் கலாச்சாரம் ஆகிய ஐந்து துறைகளுக்கு முன்னுரிமை அளிக்கப்பட்டு, முக்கியக் கவனம் பெற்றன. நிலையான வளர்ச்சியின் முக்கியத்துவத்தை அங்கீகரிக்கும் வகையில், ஆறாவது நிதிதேவையாக ‘நிலைத்தன்மைக்கு’ முன்னுரிமையளிக்கிறது.

2008 ஆம் ஆண்டு, University of Hong Kong இல் CIFA-வின் திறப்பு விழா மற்றும் தொடக்கக் கருத்தரங்கம் நடைபெற்றன. அதன் பின்னர், இரண்டு வருடங்களுக்கு ஒருமுறை டோக்கியோ, சிங்கப்பூர், ஷாங்காய், சியோல் மற்றும் தைவானில் பிராந்திய கருத்தரங்குகள் நடைபெற்று வருகின்றன. ஒவ்வொன்றிலும் சராசரியாக 400க்கும் மேற்பட்டோர் பங்கேற்றுள்ளனர். CIFA-வின் மற்ற முக்கிய நடவடிக்கைகளில் நாடுகடந்த கூட்டு ஆராய்ச்சிகள், பயிற்சி நிகழ்வுகள், குடும்ப நல்வாழ்வை மேம்படுத்துவதற்கான ஆசிய விருது (3A திட்டம்), விழிப்புணர்வு மற்றும் நிதி திரட்டும் முயற்சிகள் மற்றும் அதன் வலைத்தளம் மற்றும் செய்திமடல் CIFA-NET வழியாகத் தகவல்களைப் பகிர்வது ஆகியவை அடங்கும்.


2014 ஆம் ஆண்டில் CIFA மற்றும் United Nations இடையே தொடர்பு ஏற்படுத்தப்பட்டபிறகு, UN பிரதிநிதிகள் பல நிகழ்வுகளில் பங்கேற்றனர். 2016 ஆம் ஆண்டில் கொரியாவில் நடைபெற்ற பிராந்திய கருத்தரங்கு, 2017 ஆம் ஆண்டில் நடைபெற்ற 3A திட்ட நிகழ்ச்சி மற்றும் குடும்ப நல்லிணக்கத்திற்கான தொண்டு இசைநிகழ்ச்சி, 2018 ஆம் ஆண்டில் ஹாங்காங் நகரில் நடைபெற்ற ஆசிய குடும்ப உச்சிமாநாடு ஆகியவை குறிப்பிடத்தக்கவை. 2021 ஆம் ஆண்டு, CIFAக்கு UN ‘சிறப்பு ஆலோசனை அந்தஸ்து’ வழங்கியது. இதன் மூலம், CIFA சர்வதேச அரங்கில் அதிகாரப்பூர்வ அங்கீகாரம் பெற்றது மற்றும் உலகளாவிய குடும்ப நல முயற்சிகளில், குறிப்பாக உலக அரங்கில் சிறப்பிடம் பெற்றுவரும் ஆசியக் கண்ணோட்டத்திலிருந்து, அதிகப் பங்களிப்பைச் செய்யத் தொடங்கியது.


30வது சர்வதேச குடும்ப ஆண்டு நிறைவை நினைவுகூருவதற்கான United Nations இன் அழைப்பை முன்னிட்டு ஆசியாவில் பல்வேறு நிகழ்வுகளை ஒருங்கிணைப்பதிலும் ஏற்பாடு செய்வதிலும் CIFA தீவிரமாக ஈடுபட்டுள்ளது. இதில், ஆசியாவில் மக்கள்தொகை முதுமை மற்றும் அதன் மாற்றங்கள் குறித்த நிபுணர் குழு கூட்டம், Family We-Time Campaign, மற்றும் 2024 ஆம் ஆண்டில் நடைபெறும் ஆசிய குடும்ப உச்சிமாநாடு ஆகியவை அடங்கும். இந்த முயற்சிகள் United Nations இடமிருந்து நேர்மறையான கருத்துகளையும் உறுதியான ஆதரவையும் பெற்றுள்ளன.


மேலும் விவரங்களுக்கு https://www.cifa-net.org/ என்பதில் செல்க.