The Hong Kong Jockey Club Charities Trust បានអនុម័តថវិកាប្រហែល HK$330លាន ដើម្បីចាប់ផ្ដើមគម្រោង "Jockey Club SMART Family-Link" (JCSFL)។ គម្រោងនេះបានចាប់ផ្ដើមនៅឆ្នាំ2018 ដែលមានគោលបំណងប្រើប្រាស់ទំនាក់ទំនងនិងបច្ចេកវិទ្យាព័ត៌មានទំនើប ដើម្បីគាំទ្រការផ្ដល់សេវាកម្មអោយកាន់តែមានប្រសិទ្ធភាព ដែលត្រូវបានផ្ដល់ដោយមជ្ឈមណ្ឌលសេវាកម្មបង្រួបបង្រួមគ្រួសារ និងសេវាកម្មបង្រួបប្រួមគ្រួសារ ដែលដំណើរការដោយអង្គការមិនរកប្រាក់ចំណេញទាំង26ដើម្បីលើកកម្ពស់សុខុមាលភាពគ្រួសារ។ គម្រោងនេះក៏មានគោលបំណងបង្កើនសមត្ថភាពវិស័យសេវាសង្គមក្នុងការប្រើប្រាស់បច្ចេកវិទ្យានិងទិន្នន័យសម្រាប់សេវាកម្មគ្រួសារ ដែលអាចឆ្លើយតបទៅនឹងតម្រូវការសេវាកម្មថ្មីៗ។

គម្រោងនេះបាននាំអោយមានកិច្ចសហការរវាងអង្គការសង្គមនិងស្ថាប័នអប់រំ ដើម្បីជំរុញការលើកកម្ពស់ឌីជីថលសម្រាប់វិស័យសុខុមាលភាព។ ចំនុចសំខាន់ៗរួមមាន ការកែលម្អមុខងាររបស់ i-Connect ការអភិវឌ្ឍសេវាកម្មលាយបញ្ចូល ការពង្រឹងសមត្ថភាពឌីជីថល និងការវិភាគទិន្នន័យសេវាកម្មដែលប្រមូលបានពីអង្គការមិនរកប្រាក់ចំណេញ។

ដៃគូគម្រោងរួមមាន The University of Hong Kong (នាយកដ្ឋានវិទ្យាសាស្ត្រកុំព្យូទ័រ សាលាគិលានុបដ្ឋាក និងនាយកដ្ឋានសង្គមកិច្ច និងរដ្ឋបាលសង្គម) Hong Kong Baptist University (នាយកដ្ឋានសង្គមកិច្ច) Caritas - Hong Kong; Hong Kong Family Welfare Society; Hong Kong Christian Service; International Social Service - សាខា Hong Kong; Christian Family Service Centre; The Hong Kong Catholic Marriage Advisory Council; Hong Kong Children and Youth Services; St. James' Settlement; Tung Wah Group of Hospitals; Hong Kong Sheng Kung Hui Welfare Council និង The Neighbourhood Advice-Action Council។

សម្រាប់ព័ត៌មានលម្អិត សូមចូលទៅកាន់ www.jcsmartfamilylink.hk។

ប្រវត្តិសប្បុរសធម៌នៃការបរិច្ចាករបស់ The Hong Kong Jockey Club គឺមានតាំងពីឆ្នាំ1915។ នៅទសវត្សរ៍ឆ្នាំ1950 នៅពេលដែលហុងកុងកំពុងតែប្រឈមមុខនឹងបញ្ហាអភិវឌ្ឍន៍ឡើងវិញបន្ទាប់សង្គ្រាម និងការកើនឡើងយ៉ាងក្រៃលែងនៃចំនួនជនចំណាកស្រុក ដែលធ្វើអោយសកម្មភាពសប្បុរសធម៌នេះបានក្លាយជាផ្នែកដ៏សំខាន់មួយនៃដំណើរការរបស់ក្លឹប។ នៅឆ្នាំ1955 ក្លឹបបានសម្រេចជាផ្លូវការនូវការបរិច្ចាកប្រាក់ចំណេញដែលនៅសេសសល់ប្រចាំឆ្នាំសម្រាប់គម្រោងសប្បុរសធម៌និងសហគមន៍។ នៅឆ្នាំ1959 Hong Kong Jockey Club (Charities) Ltd ត្រូវបានបង្កើតឡើងដើម្បីគ្រប់គ្រងនៃការបរិច្ចាគ។ នៅឆ្នាំ1993 អង្គភាពថ្មីមួយមានឈ្មោះ The Hong Kong Jockey Club Charities Trust ត្រូវបានបង្កើតឡើងដើម្បីឆ្លើយតបនឹងការវិវត្តន៍ ទំហំ និងវិសាលភាពនៃការបរិច្ចាគ។ គម្រោងនេះគឺជាអង្គភាពបរិច្ចាគធំបំផុតមួយក្នុងចំណោមអង្គភាពធំៗទាំង10នៅលើពិភពលោក។

សមត្ថភាពបរិច្ចាគដ៏ធំមហិមាសម្រាប់សហគមន៍របស់ក្លឹប គឺធ្វើទៅបានដោយសារម៉ូឌែលអាជីវកម្មបញ្ចូលគ្នាពិសេស ដែលមានការប្រណាំងនិងការកម្សាន្តនៅទីលានប្រណាំង ក្លឹបសមាជិក ការភ្នាល់កីឡានិងឆ្នោត ព្រមទាំងការរួមចំណែកនៃការបរិច្ចាកនិងសហគមន៍។ ប្រហែល90%នៃប្រាក់ចំណេញដែលសេសសល់ប្រចាំឆ្នាំ(ក្រោយពន្ធ) របស់ក្លឹបត្រូវបានបរិច្ចាគទៅគម្រោងសប្បុរសធម៌ដែលអនុញ្ញាតអោយអង្គភាពនេះមានតួនាទីយ៉ាងសំខាន់ក្នុងការអភិវឌ្ឍសហគមន៍។

ការសហការជាមួយរដ្ឋាភិបាល អង្គការមិនរកប្រាក់ចំណេញ(NGOs) មូលនិធិសប្បុរសធម៌និងដៃគូសហគមន៍ផ្សេងៗ គម្រោងសប្បុរសធម៌របស់ក្លិបបានប្តេជ្ញាកែលម្អជីវភាពរបស់ប្រជាពលរដ្ឋនៅហុងកុង។ ក្នុងនាមជាអង្គការសប្បុរសធម៌មួយ គម្រោងសប្បុរសធម៌នេះ តែងតែសិក្សានិងផ្តួចផ្តើមនូវគម្រោងដែលជួយទៅដល់ការអភិវឌ្ឍន៍សង្គម។

ស្របតាមតម្រូវការថ្មីៗនៅហុងកុង គម្រោងសប្បុរសធម៌នេះ បានកំណត់ទិសដៅយុទ្ធសាស្រ្តសំខាន់ៗចំនួនប្រាំរវាងឆ្នាំ2022-2025 - ការថែទាំចាស់ជរា ការអភិវឌ្ឍយុវជននិងការកាត់បន្ថយភាពក្រីក្រ សុខភាពសហគមន៍ ការអភិវឌ្ឍសមត្ថភាពវិស័យមនុស្ស និង កីឡានិងវប្បធម៌។ ដោយការទទួលស្គាល់តម្លៃនៃការអភិវឌ្ឍប្រកបដោយចីរភាព គម្រោងសប្បុរសធម៌នេះ ក៏បានរួមបញ្ចូលវាជាផ្នែកទីប្រាំមួយនៃការបរិច្ចាកផងដែរ។

CIFA ត្រូវបានចុះបញ្ជីជាក្រុមហ៊ុនទំនួលខុសត្រូវមានកម្រិតនិងជាអង្គការមិនរកប្រាក់ចំណេញ ដែលស្ថិតនៅក្រោមច្បាប់របស់ហុងកុង។ វាជាស្ថាប័នឯករាជ្យមួយដែលផ្ដល់វេទិកាប្រចាំតំបន់សម្រាប់ការបង្កើតបណ្ដាញ និងកិច្ចសហប្រតិបត្តិការរវាងអង្គការនិងអ្នកជំនាញដែលមានបេសកកម្មដូចគ្នាគឺ “ការរួមបញ្ចូលជំនាញប្រាជ្ញាដើម្បីសុខុមាលភាពគ្រួសារ”។ តួនាទីរបស់វាគឺគាំទ្រនិងលើកកម្ពស់ការចាប់អារម្មណ៍រួមគ្នាសម្រាប់ការស្រាវជ្រាវ និងការបណ្តុះបណ្តាល ហើយក៏សម្រាប់ការចែករំលែកបទពិសោធន៍ផ្នែកព្យាបាលនិងគោលនយោបាយគ្រួសារដែលមានលក្ខណៈពិសេសក្នុងតំបន់អាស៊ី។

ពិធីសម្ពោធជាផ្លូវការនិងសន្និសីទដំបូងរបស់ CIFA បានប្រារព្ធឡើងនៅ The University of Hong Kong នៅឆ្នាំ2008 បន្ទាប់មកបានរៀបចំសន្និសីទនៅទីក្រុងតូក្យូ សិង្ហបុរី សៀងហៃ សេអ៊ូល និង តៃវ៉ាន់ ដែលមានអ្នកចូលរួមជាមធ្យមប្រហែល400នាក់នៅក្នុងការសម្ពោធនីមួយៗ។ សកម្មភាពសំខាន់ៗផ្សេងទៀតរួមមាន ការស្រាវជ្រាវជំវិញប្រទេស សកម្មភាពបណ្តុះបណ្តាល រង្វាន់អាស៊ីសម្រាប់ការលើកកម្ពស់សុខុមាលភាពគ្រួសារ(គម្រោង 3A) ការផ្សព្វផ្សាយនិងប្រមូលថវិកា ព្រឹត្តិប័ត្រព័ត៌មាន និងការចែកចាយព័ត៌មានតាមគេហទំព័រ និង CIFA-NET។

បន្ទាប់ពីមានទំនាក់ទាក់ទងជាផ្លូវការរវាង CIFA និងអង្គការសហប្រជាជាតិក្នុងឆ្នាំ2014 អ្នកតំណាងអង្គការសហប្រជាជាតិបានចូលរួមក្នុងសកម្មភាពមួយចំនួនរបស់ CIFA ដូចជាសន្និសិទនៅប្រទេសកូរ៉េក្នុងឆ្នាំ2016 កម្មវិធីប្តូរបទពិសោធន៍លើគម្រោង3A និងការប្រគំតន្ត្រីសប្បុរសធម៌ ភាពសុខដុមគ្រួសារ នៅឆ្នាំ2017 និងកិច្ចប្រជុំកំពូលគ្រួសារអាសុីឆ្នាំ2018នៅហុងកុង។ CIFA បានការទទួលស្គាល់ជាផ្លូវការពីអង្គការសហប្រជាជាតិនិងមានតួនាទីជាក្រុមប្រឹក្សាពិសេសនៅឆ្នាំ2021 ដែលធ្វើអោយ CIFA មានការទទួលស្គាល់ក្នុងវេទិកាអន្តរជាតិហើយអនុញ្ញាតអោយ CIFA ចូលរួមយ៉ាងសកម្មនិងរួមចំណែកក្នុងកិច្ចខិតខំប្រឹងប្រែងជាសកលដើម្បីលើកកម្ពស់សុខុមាលភាពគ្រួសារ ជាពិសេសពីទស្សនៈនៃតំបន់អាស៊ី ដែលកំពុងក្លាយជាតំបន់ដ៏សកម្មនិងសំខាន់កាន់តែខ្លាំងនៅលើវេទិកាពិភពលោក។

CIFA បានចូលរួមយ៉ាងសកម្មក្នុងការសម្របសម្រួលនិងរៀបចំសកម្មភាពនៅក្នុងតំបន់អាស៊ី ដើម្បីឆ្លើយតបនឹងការអំពាវនាវរបស់អង្គការសហប្រជាជាតិ នៅក្នុងការរំលឹកខួបទី30នៃឆ្នាំគ្រួសារអន្តរជាតិ រួមមានកិច្ចប្រជុំក្រុមអ្នកជំនាញអំពីការផ្លាស់ប្តូរប្រជាសាស្ត្រនៃចំនួនប្រជាជនចាស់ជរាអាសុី The We-Time Campaign 2025 និងកិច្ចប្រជុំកំពូលគ្រួសារអាសុីឆ្នាំ2024ជាដើម ដែលទទួលបានមតិវិជ្ជមាននិងការគាំទ្រយ៉ាងខ្លាំងពីអង្គការសហប្រជាជាតិ។

សម្រាប់ព័ត៌មានលម្អិត សូមចូលទៅកាន់ https://www.cifa-net.org/។